ФИФА им забрани на навивачите да носат витешка облека од крстоносците на натпреварот меѓу Англија и САД, кој започнува во 20 часот. Се верува дека тоа може да биде навредливо за арапските фудбалски фанови и муслиманите. Навивачката група против дискриминација „Kick It Out“ исто така ги советуваше фановите да не носат ваков тип на облека.
Крстоносните војни се средновековни верски војни што ги водел христијанскиот свет против муслиманите.
„Навивачите кои носат маици со синџир и пластични мечеви и штитови со крстот на Сент Џорџ нема да смеат да влезат на стадионот Ал Бајт во Ал Хор, северно од Доха“, објави Тајмс.
Британското министерство за надворешни работи ги потсети англиските фанови дека при посетата на Катар треба да се запознаат со локалните обичаи и да се однесуваат пристојно и со почит кон нивната култура.
