Уште четири трки и Себастијан Фетел ќе се пензионира. Четирикратниот светски шампион, кој сега вози за Астон Мартин, зад себе има импресивна кариера. Тој славеше на 53 трки, 57 пати беше на пол-позицијата и има 122 подиуми.
„Време е да заминам. Не знам дали ќе ја донесев истата одлука доколку во изминатите неколку години бев поконкурентен, доколку имав можност да се борам за победи. Никогаш нема да дознаеме, но јасно е дека не е исто чувството кога ќе ја поминете целта како прв или како десетти“, изјави Германецот.
И покрај се што направи во најбрзиот караван, Фетел верува дека неговите достигнувања бргу ќе бидат заборавени.
„Можам да објаснам вака. Британија сега го има кралот Чарлс. Тој е третиот монарх под тоа име. Дали некој се сеќава на претходните две? Најверојатно не. Постијат граници. Наскоро ќе дојдеме моментот кога сите ќе ме заборават. Едноставно тоа е така. Ништо не трае вечно“, филозофски заклучи Фетел.
