Утрински Весник
Спорт

Ферстапен речиси цела секунда побрз од Ферари на класичната Спа

Ферстапен речиси цела секунда побрз од Ферари на класичната Спа

Светскиот шампион на Ред бул, Макс Ферстапен беше речиси цела секунда побрз од Шарл Леклер во Ферари на вториот тренинг пред Белгиското ГП на класичната Спа-Франкошамп, најавувајќи интересна битка во недела откако двајцата возачи имаа промени на моторите, по што ќе добијат казни, односно ќе стартуваат од пониските позиции.

dobivaj vesti na viber

Ферстапен беше трет на првиот тренинг, кој беше одбележан од дождливо време и во кој најбрз беше Карлос Саинс Јуниор во второто Ферари, но во второто на меки гуми постави круг од 1:45.503, убедливо најбрзо. Само Леклер беше во опсег на една секунда од Холанѓанецот, за 0.862 секунди.

Саинс, овојпат беше само петти со 1.142 секунди заостанување, откако пред него беа Лендо Норис во Мекларен и Ленс Строл во Астон Мартин. Луис Хамилтон во Мерцедес беше шести, пред Фернандо Алонсо (Алпин) и вториот Мерцедес на Џорџ Расел.

Можете да прочитате

Мареј: Побегнав од моите деца, а во Новак добив едно големо дете

Ла Лига ја одби жалбата за суспензијата на Винисиус

Гвардиола по 30 години се раздели со сопругата Кристина