Актуелниот светски шампион во Формула 1, Макс Верстапен на Ред Бул е победник на трката за Големата награда на Белгија на патеката Спа Франкошамп.
Така Холанѓанецот роден во Белгија ја оствари осмата последовна, а вкупно 11. победа на досегашните 12 трки во светскиот шампионат и ја потврди апсолутната доминација.
На конкурентите на Верстапен не им помогна тоа што возачот на Ред Бул стартуваше од шестата позиција. На Макс му беа потребни 17 кругови за да го преземе водството и тој лесно го држеше до крајот на трката.
Зад Верстапен трката ја заврши неговиот мексикански клупски колега Серхио Перез, додека најниското скалило на подиумот го зазеде Шарл Леклер во Ферари.
Места во топ 10 заземаа и Луис Хамилтон, Фернандо Алонсо, Џорџ Расел, Ландо Норис, Естебан Окон, Ленс Строл и Јуки Цунода.
