Шарл Леклер го победи својот тимски колега од Ферари, Карлос Саинс Јуниор за 1-2 на Скудерија на домашната патека на Макс Ферстапен во вториот тренинг пред неделната трка во Цандфорт. Ферстапен, откако му откажа менувачот на првата сесија, беше само осми во тежок ден за Ред бул рејсинг.
Леклер ја стартуваше симулацијата на квалификции еден круг по остатокот од ривалите, за да го победи Саинс за само 0.004 секунди, по што двајцата возачи возеа под полно гориво. Кривините на Цандфорт дефинитивно се добри за силата на Ферари, а бидејќи нема долги рамни делови, разликата во брзината со машините на Ред бул не треба да е толку забележлива како во Спа пред една недела.
Мерцедес беа најблиску до Ферари – Луис Хамилтон заврши 0.072 зад Леклер на третото место, но имаше проблеми со болидот и комплетираше само 21 круг. Џорџ Расел беше петти зад Лендо Норис во Мекларен, на шестото место беше Ленс Строл за Астон Мартин пред Фернандо Алонсо во Алпин, додека Серхио Перез беше само 12-ти.
???? END OF FP2 ????
TOP 10
Leclerc
Sainz
Hamilton
Norris
Russell
Stroll
Alonso
Verstappen
Ocon
Ricciardo#DutchGP #F1— Formula 1 (@F1) September 2, 2022
