Тетовската полиција, денеска, околу 10.30 часот, во тетовско Долно Седларце го приведе 53-годишниот Т. Б. од Штип.
Тој се сомничи дека во периодот од 20 јуни годинава досега извршил пет кражби во цркви во општина Јегуновце. Со употреба на сила влегувал во објектите и најчесто одземал пари. Кај него бил пронајден и одземен разновиден алат, што го користел при извршување на кривичните дела.
Мажот е задржан во Полициската станица Тетово и по целосно документирање на случајот, ќе биде изготвена соодветна кривична пријава.
