Украина не може да влезе во НАТО додека траат конфликтите во таа земја, изјави еврокомесарот за внатрешен пазар, Тиери Бретон.
„Украинскиот претседател Володимир Зеленски праша за членство во НАТО, но веќе знаете дека за да влезе во алијансата, една земја не смее да биде во војна. Украина е земја во војна и затоа е евидентно дека тоа во моментот е невозможно“, изјави Бретон за телевизијата БФМ.
Тој ја опиша ситуацијата како политички демарш и посочи дека барањето на Зеленски е симболично.
Зеленски на крајот на минатиот месец потпиша барање за членство во НАТО по забрзана постапка. Генералниот секретар на алијансата, Јенс Столтенберг, одби да одговори на директно прашање дали НАТО ќе го поддржи барањето, потсетува ТАС.
