Ракометарите на Еурофарм Пелистер вечерва тренираа во Порто во пресрет на утрешниот меч со Агуас Санташ во ЕХФ Европската лига. По поразот од Архус, од македонскиот тим се надеваат на добар меч и прв успех во европското натпреварување.
„После поразот од данскиот тим немавме многу време за подготовките, игравме во домашното првенство. Сепак, знаеме за каков противник се работи, гледавме видео-анализи, посветени сме максимално на двата тренизи во Битола и тука. Португалскиот тим на домашен терен игра агресивна одбрана, ќе биде потребно трпение во нападот, треба да одиграме паметно, без брзање. Со ладна глава влегуваме во мечот. Во првото коло и ние и тие запишаавме порази, па и двете страни ќе бараат победа, се надевам дека на крајот ние ќе се радуваме“, изјави Жарко Пешевски.
Мечот се игра утре со почеток во 20:45 часот.
