ЕУ ќе ја ја „нападне“ унгарската економија ако Будимпешта ја блокира новата помош за Украина на самитот кој ќе се одржи в четврток, пишува Фајненшл тајмс. Во документот што го подготвиле официјални претставници на ЕУ, а до кој дошол Фајненшел тајмс, открива стратегија со која Брисел ги таргетира економските слабости на Унгарија, да ја загрози нејзината валута и да предизвика колапс на довербата на инвеститорите во обид да ги оштети „работните места и економскиот раст“, доколку Будимпешта одбие да го укине ветото за помошта за Киев. Министрите за надворешни работи на Украина и Унгарија, Дмитро Кулеба и Петер Сијарто, денеска во Ужхород, западна Украина, ќе разговараат за прашањето за ветото на Будимпешта за финансиска помош за Киев. Унгарскиот премиер Виктор Орбан се закани дека ќе го блокира користењето на буџетот на ЕУ за да и обезбеди на Украина финансиска помош од 50 милијарди евра на итниот самит на лидерите на Унијата. Ако Орбан не отстапи, другите лидери на ЕУ мора јавно да ветат дека трајно ќе го замрзнат целото финансирање за Будимпешта со намера да ги заплашат пазарите на капитал, да ја забрзаат девалвацијата на унгарската форинта и да предизвикаат скок на трошоците за сервисирање на заемите на Унгарија. се наведува во документот цитиран од „Фајненшл тајмс“.
ЕУ разработила стратегија како да ја одврати Унгарија од ветото за помош на Украина
