Турскиот претседател Реџеп Тајип Ердоган објави дека Турција ги презема првите чекори кон воведување на заедничка азбука за земјите што зборуваат турски јазик. Изјавата дојде за време на состанокот на Организацијата на турски држави, кој се одржува во Азербејџан, и беше пренесена во живо на неговиот профил на социјалните мрежи.
Ердоган истакна дека првиот конкретен чекор во оваа насока е направен со печатењето на азбуката на дело посветено на киргискиот писател Чингиз Ајматов. Според него, ваквите иницијативи за обединување на правописот и користење на заедничка азбука имаат за цел да ги зближат народите културно и економски, поттикнувајќи поблиска соработка меѓу турските држави.
