Нападите на САД и Велика Британија врз Јемен се „несразмерна употреба на сила“, изјави денеска турскиот претседател Таип Реџеп Ердоган, цитиран од Дирекцијата за комуникации на земјата.
„Израел, исто така, прибегнува кон оваа непропорционална употреба на сила во Палестина“, рече тој.
Ердоган рече дека порано го сметал израелскиот претседател Исак Херцог „како многу попријателски“, но дека Херцог неодамна го имитирал премиерот Бенјамин Нетанјаху „и почнал да дава многу различни изјави“.
Ердоган додаде дека документите обезбедени од Турција се користат во случајот за геноцид во Меѓународниот суд на правдата во Хаг.
„Со документите што ги доставивме, кои се претежно визуелни документи, Израел ќе биде осуден“, рече тој.
