Турскиот претседател Реџеп Таип Ердоган ја поздрави денешната одлука на Меѓународниот суд на правдата во Хаг за тужбата на Јужна Африка против Израел за геноцидот во Појасот Газа.
Највисокиот суд на Обединетите нации денеска не нареди прекин на огнот во Појасот Газа, но побара од Израел да ги преземе сите мерки за да ги спречи неговите сили да извршат геноцид во палестинската енклава.
Турското Министерство за надворешни работи соопшти дека очекува Израел „веднаш и целосно да ја спроведе одлуката“ на судот.
Процесот против Израел за геноцид беше инициран од Јужна Африка, која побара од Меѓународниот суд на правдата да му нареди на Израел да ја прекине својата воена операција во Појасот Газа.
