Кандидатот за градоначалник на Скопје, Орце Ѓеорѓиевски, денес заедно со министерката за образование и наука Весна Јаневска и заменик-министерот за социјална политика, демографија и млади Ѓоко Велковски, го посетија ДУРДМОВ „Димитар Влахов“ во Скопје.
Учениците со оштетен вид, нивната сила и истрајност нè учат дека вистинската храброст се наоѓа во секојдневната борба за знаење и еднакви можности. Со голема радост, Орце Ѓеорѓиевски донираше нови униформи и ранчиња со училишен прибор, а претходно и книги на Брајово писмо – дела кои се ретки и недостапни, но многу значат за нивното образование и љубовта кон знаењето.
Особено му е чест што беше покровител на „Археолошката Брајова азбука“, издание кое отвора нови хоризонти и поттикнува љубопитност кај децата, носејќи им ја археологијата поблиску на еден посебен и пристапен начин.
„Заедно, со љубов, посветеност и искрена поддршка, можеме да создадеме еднакви услови за секое дете. Секој ученик заслужува можност да учи, да сонува и да ја гради својата иднина“, изјави Ѓеорѓиевски.
