Џенифер Лопез ја искоментира одлуката да го земе презимето на својот сопруг Бен Афлек, откривајќи дека овој потег ја прави горда и го потврдува нејзиното чувство дека целосно го контролира својот живот.
Џенифер (53) ја даде изјавата во интервју за декемвриското издание на магазинот „Вог“.
Џенифер (53) и Бен (50) се венчаа во Лас Вегас во јули, пред да организираат тридневна свадбена екстраваганца на имотот на нејзиниот сопруг во Џорџија.
„Луѓето сè уште ќе ме викаат Џенифер Лопез. Но, моето законско име ќе биде г-ѓа Афлек. Ние сме маж и жена. Се гордеам со тоа“, рече Џенифер.
„Мислам дека тоа не е проблем…не е традиционално. Знам дека нема никаква романтика во тоа. Се чувствува како да е потег на моќ, знаете на што мислам?
„Јас го контролирам сопствениот живот и судбина и се чувствувам моќно како жена и како личност. Можам да разберам дека луѓето имаат свој став за ова прашање, и тоа е исто така во ред.“
„Но, ако сакате да знаете како се чувствувам за тоа, едноставно чувствувам дека е романтично. Тоа сè уште ми носи традиција и романтика, а можеби сум токму таква девојка“.
