Ѕвездата од „Игра на троновите“ Емилија Кларк се отвори за снимањето интимни сцени на сетот на серијата.
Кларк во 62 епизоди од серијата ја глумеше Дејнерис Таргариен, а улогата освен слава и донесе и неколку предизвици. Актерката влезе во серијата на 23-годишна возраст, по актерското училиште, а на толку млада возраст ѝ беше поставен големиот предизвик да глуми еден од најпознатите ликови во целата серија.
Признала дека била преплашена од секс сцените бидејќи не знаела што да прави. Никогаш досега не била на голем филмски сет, а особено тешко и паднало барањето да се соблече гола пред сите членови на екипажот, но и пред публиката.
„Никогаш не сум била на ваков филмски сет, а потоа се најдов на филмски сет целосно гола, опкружена со сите овие луѓе и не знаев што треба да правам, што се очекува од мене. Не знаев што сакаат тие, ниту што сакам јас“, рекла Кларк, признавајќи дека не знаела дека ќе има голотија пред да ја прифати улогата.
Таа го спомнува и актерот Џејсон Момоа, со кој беше во експлицитна сцена. Таа нагласи колку актерот бил нежен и професионален кон неа како млада, неподготвена актерка и дека неговата заштита многу и помогнала за време на снимањето.
„Тој плачеше повеќе од мене. Дури сега сфатив колку имав среќа со тоа, бидејќи можеше да помине на различни начини“, рече таа, откривајќи дека Џејсон Момоа бил многу љубезен и внимателен и ја презел грижата за неа како човечко суштество.
