Eкспертот за кинеска медицина Нина Ченг, откри колку често треба да имаме секс во зависност од возраста за да бидеме што е можно поздрави и да го избегнеме емоционалниот стрес.
„Дали знаевте дека премалку секс се смета за причина за болеста во традиционалната кинеска медицина? Иако традиционалната кинеска медицина често ги нагласува потенцијалните долгорочни ефекти од пречести сексуални активности, многу луѓе не сфаќаат дека немањето доволно секс исто така се смета за проблем“, објасни Ченг во едно од видеата објавени на Тик Ток.
Според Ченг, древните кинески лекари верувале дека жените имаат поголема веројатност да доживеат сексуална фрустрација бидејќи не им било дозволено да се изразуваат сексуално како мажите.
„Ако сте во дваесеттите, треба да имате секс најмалку на секои четири дена, додека луѓето во триесеттите треба да имаат за цел да го имаат на секои осум дена“, истакна таа.
Како што старееме, времето помеѓу оргазмите се удвојува. Значи, во четириесеттите треба да имаме секс барем на секои 16 дена, додека оние во педесеттите треба да имаат сексуална активност на секои 21 ден. Во нашите шеесетти, треба да бидеме интимни на секои 30 дена, тврди Ченг.
