Безбедносните мерки на подморницата „Титан“ во сопственост на „Оушн Гејт“ деновиве беа на удар на критики, откако подморницата исчезна и експлодира, при што загинаа пет лица.
Вилијам Конен, претседател на Одборот за подводни возила со екипаж во Лос Анџелес, е уште еден индустриски експерт кој го критикуваше недостатокот на регулација на подморницата „Титан“.
Конен, кој му пиша на „Ocean Gate“ пред несреќата и изрази загриженост за безбедноста на Титан, изјави за Би-би-си дека катастрофата очигледно можела да се спречи.
Во интервју за Би-би-си, тој истакна дека безбедноста на подводните возила е значително подобрена во последните децении, додавајќи дека немало големи катастрофи од 1960-тите.
Тој посочи дека таков тип на подморница со туристи без соодветни сертификати нема да биде дозволен во американски, британски или канадски територијални води.
