Кривичниот суд на Малдивите го осуди поранешниот претседател на земјата, Абдула Јамин на 11 години затвор, откако беше прогласен за виновен за корупција и перење пари, пренесува Ројтерс.
Јамин, кој ја загуби власта во 2018 година, негираше дека сторил нешто лошо.
Поранешниот претседател ќе мора да плати и казна од пет милиони долари.
Пред три години тој беше осуден на пет години затвор за проневера на државни средства во износ од еден милион долари.
Јамин беше префрлен во домашен притвор во 2020 година, но беше ослободен неколку месеци подоцна.
