По 36 сушни години, Лионел Скалони успеа да и ја врати титулата светски фудбалски шампион на Аргентина.
Аргентинскиот селектор пристигна на крајот на 2018 година како привремена замена за Хорхе Сампаоли, по што ги освои Копа Америка и Светското првенство и очигледно ја стекна огромната доверба во соблекувалната и од комплетната јавност.
Сепак, преговорите за продолжување на соработката делуваат покомпликувано од очекуваното.
Како што пренесува аргентинскиот „Оле“, Скалони се уште не разговарал за ова со Клаудио Тапија, претседателот на Фудбалската федерација на Аргентина. Првиот човек на аргентинскиот фудбал ја презеде одговорноста да го постави на селекторската функција по неуспехот на Светското првенство во Русија.
Тоа ќе бидат важни преговори, како од економски, така и од технички аспект. Аргентинците повторно ќе излезат на терен во март следната година, кога на распоред се пријателските натпревари на ФИФА.
Скалони ја водеше Аргентина 57 пати и постигна 40 победи, 12 нерешени и пет порази, со гол разлика 124:42.
