Полициски службеници од Одделот за криминалистичка полиција, Сектор за недозволена трговија со дрога, Единица за недозволена трговија со дрога, во координација со СВР Струмица – ОВР Валандово на Валандовско брдо било запрено е патничко возило „ауди“ со валандовски регистарски ознаки, управувано од 27-годишниот З.А. од село Дедели, валандовско, извести МВР.
– При преглед во возилото пронајдена е торба во која имало седум пакувања и две ќеси со марихуана во количина од два килограми. При обид да побегне, З.А. бил лишен од слобода и за случајот е известен јавен обвинител. Малку подоцна, по добиена наредба од судија на претходна постапка од Основен суд Гевгелија, при извршен претрес во неговиот дом биле пронајдени куршуми и друга муниција, соопшти МВР.
Во текот на денешниот ден, пак, лишен од слобода бил и 22-годишниот Б.О. од Гевгелија со место на живеење во село Дедели, за кој од истрагата било утврдено дека бил инволвиран во недозволена трговија со наркотична дрога, додаваат од Министерството.
По документирање на случаите од страна на ОВР Валандово до надлежното ОЈО Гевгелија ќе биде поднесена кривична пријава за извршено кривично дело по член 215 од Кривичниот законик.
