Дирекцијата за заштита на спасување конечно постигна договор со двајца пензионирани пилоти во борбата против пожарите. Двајцата пилоти кои го склучија договорот утрово се веќе на терен и помагаат во гаснењето на пожарот во Неготино.
„Утрово потпишавме договори со нив, ги спроведовме сите формално правни процедури со агенцијата за цивилни летови и од моментот кога ни беше дадена дозвола повторно да летаме, веќе еден час, нашите два авиона со овие двајца пилоти се на терен и гасат пожари во околината на Неготино, поточно на планината Серта“, рече Беким Максути, Дирекција за заштита и спасување.
Според Центарот за управување со кризи, во моментов има два активни жаришта, но во моментов нема опасност од пожари во населените места.
Противпожарните авиони на Дирекцијата за заштита и спасување веќе подолго време не се во функција бидејќи нема пилоти кои би управувале со нив.. Досега, во борбата против пожарите, државата се потпираше само на трите хеликоптери на МВР, кои истовремено се оперативни хеликоптери за потребите на полицијата, и еден армиски хеликоптер, кој не може да се користи без одлука на претседателот на државата. Недостасуваат и ресурсите на националните шуми за справување со пожарите, поради блокираните сметки на Јавното претпријатие „Македонски шуми “.
