Претседателот на Демократската унија за интеграција, Али Ахмети, денес ја свика 23-та седница на Централното претседателство на ДУИ, на која се дискутираше за актуелните политички случувања, за максималната мобилизација на Националната алијанса за интеграција, како и за претстојниот референдум на 19 октомври, кој партијата го најавува како плебисцитарна народна победа.
На седницата, едногласно и со целосен консензус, беа усвоени три нови кандидатури за градоначалници:
- во Долнени – Фламур Ѓолека,
- во Пласница – Али Јаоски,
- во Бутел – Исамедин Азизи.
ДУИ е во завршна фаза на селекција на сите кандидатури со кои Националната алијанса за интеграција ќе настапи на претстојните локални избори.
„Референдумот на 19 октомври ќе биде историски момент за народот – ден кога одлучно ќе се врати достоинството и ќе се зајакне нашата улога во државата. Сите сме на нозе за достоинството и за заедничката победа“, порачаа од партијата, изразувајќи задоволство од, како што велат, масовната поддршка и мобилизација.
