Иако е една од најголемите ѕвезди во НБА лигата, најдобрата кошаркарска лига на светот, словенечкиот ас Лука Дончиќ ги изненади американските новинари кога призна дека повеќе гледа мечеви од Евролигата отколку од НБА лигата.
Дончиќ со својот деветти трипл-дабл оваа сезона, ги предводеше Далас до нова победа над Њу Орлеанс, иако подоцна призна дека не се чувствувал најдобро на теренот. Тој оваа сезона, негова петта во лигата, има просек од 34 поени, 8.8 скока и 8.7 асистенции на натпревар и кога беше запрашан дали ја следи трката за МВП на сезоната даде интересен одговор.
„Искрено, не следам многу, ќе погледам неколку натпревари и Евролигата ја следам повеќе отколку НБА лигата. Ако на ТВ има добар НБА меч, сигурно ќе го изгледам“, вели Дончиќ.
Luka Doncic says he watches more Euroleague than NBA 👀👀👀 pic.twitter.com/DtV7Bu32YF
— HoopsHype (@hoopshype) January 8, 2023
