Речиси 200 деца низ Европа се зачнати со сперма од донатор со генетска мутација која го зголемува ризикот од рак. Спермата била користена и во Србија и Македонија.
Донаторот не бил свесен дека е носител на мутација што го зголемува ризикот од малигни заболувања. Тој станал татко на најмалку 197 деца во повеќе европски земји. Дел од децата веќе починале, а само мал број од оние што ја наследиле мутацијата нема да развијат рак во текот на животот.
Станува збор за сперма дистрибуирана преку Данската Европска банка за сперма, која соопшти дека изразува сочувство до погодените семејства и призна дека материјалот бил користен во неколку држави. Донаторот бил студент и започнал да донира сперма во 2005 година, а таа била користена за импрегнирање жени во период од 17 години.
