Додека Скопје веќе пет часа се бори со огромен пожар кој испушта канцерогени материи во воздухот, институциите повторно задоцнуваат со реакција. Густите облаци чад го прекрија градот, а граѓаните сведочат за неподнослив мирис и видливи последици врз здравјето.
И покрај сериозноста на ситуацијата, министерот за животна средина и прв вицепремиер денеска наместо на терен – е на партиска кампања за локалните избори во Чаир. Оваа постапка предизвикува револт кај јавноста која очекува одговорни и итни мерки, а не игнорирање на еколошката катастрофа што се одвива пред очите на сите.
Скопје со години важи за еден од најзагадените градови во Европа, но сцените на пожар, чад и институционална незаинтересираност ја влошуваат состојбата до ниво на јавноздравствена опасност. Прашањето што останува е – дали здравјето на граѓаните е помалку важно од политичките поени?
