Игор Пехчевски кој е сместен на Универзитетската клиника за детски болести каде прима терапија за цистична фиброза добил отпусна листа и со тоа вели дека му се ускратени уште цели два дена од примањето на венската терапија.
„Ова ми се прави мене лично дека го барам лекот ‘трикафта’ за сите! Koj тука изгрува Господ за кој ќе живее, а кој не?“ прашува тој.
Објаснува дека неговото лекување почна на 4 април, а задолжително треба да трае до 17 април.
„Се ускратуваат цели 2 дена од примањето на венската терапија. Периодот за хоспитализација секогаш ни е предвидена 14 денови на секои 3 месеци. Незнам зошто некој мене би ме испишал пред време???“, вели тој.
Претходно денес од Универзитетската клиника за детски болести објавија дека Пехчевски е во стабилна состојба и утре ќе биде пуштен дома. Со спроведување на препишаните терапии и редовна физикална терапија, може да се одржува стабилен, наведоа од клиниката.
