Метео анализа на Славчо Попоски:
До самиот крај на овој месец во Македонија ќе имаме претежно стабилно, суво и претежно сончево време. Денес ќе има појава на мала до умерена локална облачност, а во попладневните часови особено во планинските предели ќе има услови за локална краткотрајна нестабилност, проследена со пороен дожд, грмежи и засилен ветер.
Наутро температурите насекаде ќе бидат над нулата, а максималните дневни температури денес ќе се искачуваат во интервалот од 17 до 24 степени, додека веќе од утре па во следните денови тие ќе бидат уште повисоки и ќе се искачуваат во интервалот од 22 до 28 степени.
Во Скопје и околината ќе имаме слично време.
Почитувани наши, уживајте во преубавото пролетно време кое е пред нас, а викендов искористете го за прошетка или пак за скара во природа.
