Поранешниот извршен директор на „Фајбербонд“, со седиште во Луизијана, им исплатил бонуси на вработените во вкупен износ од 240 милиони долари откако ја продал компанијата за 1,7 милијарди долари, објави „Волстрит џурнал“.
Греам Вокер, тогашниот извршен директор на „Фибребонд“, се погрижил 15 проценти од продажната вредност да им припадне на вработените, иако тие не поседувале акции во компанијата.
Договорот беше постигнат претходно годинава, кога компанијата „Фибребонд“ беше купена од компанијата „Итон“.
Бонусот беше поделен меѓу 540 вработени со полно работно време, со просечна заработка од околу 443.000 долари по работник, а требаше да се исплати во текот на следните пет години.
Според весникот, вработените со подолго работно искуство добивале значително повисоки износи.
Вработените почнаа да добиваат запечатени писма со детали за индивидуалните бонуси во јуни.
Компанијата „Фибребонд“ е основана во 1982 година од таткото на Вокер, Клод Вокер, а во текот на децениите работење, компанијата помина низ период на силен раст, но и сериозни кризи, вклучувајќи го големиот пожар во 1998 година и падот на побарувачката по пукањето на дот-ком балонот во раните 2000-ти
