Девет новороденчиња починале во болница во Русија. Тие починале за време на новогодишната ноќ во градот Новокузнецк. Породилиштето привремено е затворено. Затворањето е резултат на неповолната локална епидемиолошка состојба и зголемувањето на бројот на респираторни инфекции.
„Околностите на овој случај во моментов се испитуваат. Комисијата на Министерството за здравство го посети теренот за да ја процени ситуацијата и да се осигура дека нешто вакво нема да се случи повторно. Официјалните информации ќе бидат објавени откако ќе заврши истрагата“, изјавил Тарасов.
Федералната служба за надзор на заштитата на правата на потрошувачите и благосостојбата на луѓето (руски санитарен надзорен орган), како и Федералната служба за надзор во здравството, веќе извршиле инспекција на породилиштето за да утврдат дали установата ги почитува прописите во областа на здравството, заштитата на правата на малолетниците, како и епидемиолошките норми и барања.
По инспекцијата, локалните истражни органи покренале кривична постапка според член 293 од Кривичниот законик на Русија, што се однесува на несовесно однесување.
