Во ЈЗУ Универзитетска клиника за детски болести денес ќе се реализира официјално предавање на новиот мобилен рендгенски уред, обезбеден како донација од Амбасадата на Јапонија.
Според информациите од Детската клиника, на церемонијата ќе присуствуваат амбасадорката на Јапонија, Сетсуко Кавахара, државниот секретар во Министерството за здравство, Бесим Мемеди, како и раководството и медицинскиот персонал на Клиниката за детски болести, предводени од директорот Реџеп Мемеди.
Од Клиниката посочуваат дека овој момент претставува значаен напредок во подобрувањето на здравствената заштита за децата.
“Овој настан претставува уште еден чекор напред во унапредувањето на здравствената грижа за најмладите пациенти.”
