Денеска (10.07.2024) од 10.30 до 16.30 часот, на подрачјето околу плажата „Бафало бич” во Охрид, припадници на Баталјонот за специјални сили на Армијата на РСМ ќе реализираат вежбовни активности со употреба на атрифиции, средства за звучни ефекти и друга опрема. Активностите се во рамки на финалната подготовка за утрешната тактичко-техничка показна вежба на Баталјонот за специјални сили на Армијата – препад на пловен објект и командно место, што ќе се реализира во 09 часот, на истата локација. Во вежбата ќе биде вклучен и хеликоптер на воздухопловниот ВИНГ на Армијата. Апелираме до граѓаните кои ќе сакаат да ја проследат вежбата од означените места, да ги почитуваат насоките на службените лица задолжени за обезбедување на овој значаен настан.
Денеска армиска вежба на подрачјето околу плажата „Бафало бич” во Охрид
