Метео анализа на Славчо Попоски:
До крајот на денешниот ден (недела), како и утре (понеделник 10 февруари) во Македонија останува стабилно, суво, ладно и сончево, со појава на мала до умерена облачност, како и со слаб ветер ор променлив правец. Особено ладно ќе биде наутро кога температурите насекаде низ Македонија ќе се спуштаат под нулата, а особено во Беровскиот регион, како и на планините, секако, вклучувајќи ги и Скијачките центри температурата ќе се спушта до околу, па и под -10 степени.
Максималните дневни температури на воздухот пак ќе се искачуваат во интервалот од 3 до 10 степени.
Во Скопје ќе имаме слично време, наутро температурата ќе се спушта до околу -3, -4 степени, а преку денот таа ќе се искачува до околу 9/10 степени.
Да напоменам дека, наутро по котлините ќе има услови за појава на краткотрајна магла, или ниска облачност.
