Поради верскиот празник Богојавление – Водици денеска автобусите на Јавното сообраќајно претпријатие ќе функционираат по неделен возен ред, а исклучок ќе бидат линиите 18А, 32, 51, 56, 56А, 70, 74, 81, 118 и 180 кои ќе сообраќаат по саботен возен ред.
По неделен возен ред, како што информираат од ЈСП Скопје, ќе се вози и утре (сабота), со исклучок на посочените линии кои повторно ќе функционираат по саботен возен ред.
Од ЈСП Скопје велат дека денеска дежурни ќе бидат билетарниците на Транспортен центар и во Ѓорче Петров, кои ќе работат од 7 до 14 часот, додека утре (сабота) сите билетарници ќе работат со вообичаеното работно време.
Жичницата, пак, сите денови ќе работи од 10 до 17 часот.
Инаку, Синдикатот во ЈСП најави дека в понеделник автобусите нема да сообраќаат ако до тогаш Град Скопје не префрли пари и вработените во сообраќајното претпријатие не ја добијат декемвриската плата.
