Модната недела во Париз е состанок на кој големите брендови ги претставуваат своите најнови колекции.
Многу познати личности патуваат во француската метропола за да ги видат новите трендови од прва рака, а и да го покажат сопствениот стил.
Ревијата на модната куќа „Луј Витон“ што се одржа во понеделникот во рамки на париската модна недела беше повод за многу познати фаци да присуствуваат на дефилето на еден од фетиш брендовите за црвени килими.
Актерките Ана де Армас, Зендаја и Ема Стоун беа меѓу славните личности кои присуствуваа на ревијата на ексклузивниот бренд. Некои од нив присуствуваа на „Витон-афтерпарти“, секако добра прилика да го истакнат својот стил.
Зендаја, ѕвездата на „Еуфорија“, ги воодушеви присутните на забавата по ревијата на „Витон“, кога се појави во кус топ и шарена кожена јакна.
