Постуденото време со себе носи голем број проблеми во сообраќајот, а според Норвешката служба за помош на пат, автомобилите кои работат на гориво почесто се расипуваат на ниски температури.
За време на екстремниот студ на почетокот на годината, компанијата за дефекти Викинг интервенираше 34.000 пати во Норвешка, од кои само 13 отсто беа електрични автомобили.
Бројките дојдоа откако беше објавено дека електричните автомобили и нивните станици за полнење откажуваат во студени услови низ САД. Сопствениците на Тесла мораа да ги напуштат своите возила во Чикаго бидејќи не можеа да ги полнат батериите на температури под нулата, пишува Индепендент.
Електричните автомобили може да доживеат намален опсег и тешкотии при полнење во услови на замрзнување, а студии покажуваат дека загубата на опсег може да варира од 10 до 36 проценти.
Батериите исто така мора да имаат минимална температура за да го прифатат полнењето на станиците за брзо полнење кои бараат електроните внатре да бидат доволно топли за да се движат.
Тесла на својата веб-страница објави дека на ладно време возилата трошат повеќе за загревање на батеријата и внатрешноста и нормално е потрошувачката на енергија да се зголемува и ги советуваат возачите да го остават возилото приклучено секогаш кога е можно и да се трудат да ја задржат батеријата на ниво на полнење над 20 проценти кога не е вклучено.
