Во подкаст ЗРАК со д-р Марина зборуваше спец д-р радиолог Маја Иванова, која го објасни појавувањето и откривањето на карциномот на коските.
Според неа, дијагностиката на овие заболувања бара мултидисциплинарен пристап.
„Карциномите на коска се ретки малигни заболувања во однос на целокупните малигноми во целокупното човечко тело и зафаќаат околу еден процент од сите малигни заболувања. Тие се ретко но специфични затоа што ја опфаќаат и детската возраст. Затоа и самото лекување е многу комплексно, односно потребно е мултидисциплинарно лекување. Тоа значи дека во лекувањето се опфаќаат повеќе медицински гранки како на пример радиологија, патологија, ортопедија, како и онколозите. За дијагностика на овие болести прво што матичниот лекар треба да направи е рентген на тој дел од коската па потоа магнет и на крај патохистолошка дијагноза која може да се изведе со кор биопсија или со отворена биопсија“ рече таа.
Болките во некој дел од коската, додаде таа може да се смета како симптом, но може да има и тумор, однсоно израсток кој е без болка.
