Фудбалскиот клуб Црвена звезда заработи дополнителни 1.137.000 евра по испаѓањето на Динамо Загреб во квалификациите за Лигата на шампионите.
Станува збор за бонус, кој УЕФА го доделува на клубовите кои учествуваат во елитното натпреварување врз основа на резултатите постигнати во последните десет години.
Пред црвено-белите на листата беа „сините“ од Загреб, кои шокантно беа елиминирани од АЕК. По пласманот на АЕК во плеј-офот, Црвена звезда го скокна Динамо на листата на УЕФА.
Црвена звезда може дополнително да заработи од испаѓањето на четири тима кои се пред неа. Плеј-оф за пласман во фазата по групи ќе играат Брага, Копенхаген, Галатасарај и ПСВ Ајндховен.
Со секое испаѓање на една од овие четири екипи Звезда би заработила уште 1.137.000 евра.
Доколку се случи чудо и испаднат сите, тогаш клубот од Белград ќе инкасира 4.548.000 евра.
Двојките во плеј-офот:
Макаби-Јанг Бојс
Антверпен-АЕК
Раков-Копенхаген
Молде-Галатасарај
Глазгов Ренџерс-ПСВ Ајндховен
Брага-Панатинаикос
Ждрепката за групната фаза е закажана за 31 август.
