„Монстат“ ги презентира прелиминарните резултати од пописот, според кои во Црна Гора живеат 633.158 жители. На пописот од 2011 година Црна Гора имаше вкупно 620.029 жители. Прелиминарните резултати вклучуваат објавување на резултатите од пописот по населени места, единици на локалната самоуправа и за територијата на Црна Гора, за бројот на жители, домаќинства и станови и други населени простории. Најмногу жители има во Подгорица и Никшиќ, а најмалку во Шавник, Плужине и Жабљак. Зголемување на бројот на жители е забележано во 13 општини. Најголем пораст на бројот на станови има во Тиват, Улцињ и Будва. Пописот на населението, домаќинствата и становите во 2023 година почна на 3 декември, а заврши на 28 декември.
