Претставникот на Главната разузнавачка управа на Министерството за одбрана на Украина, Андриј Черњак, смета дека Русија мора да биде протерана од полуостровот Крим.
Тој рече дека Русија мора да биде отсечена од Крим за да се осигури дека не може да го користи полуостровот што го анектира во 2014 година за воени цели, пренесува „Интерфакс Украина“.
Во интервју за „Армија информ“, Черњак, коментирајќи ја идејата на поранешниот командант на американската армија во Европа, Бен Хоџис, дека е неопходно да се „изолира окупираниот Крим од Руската Федерација“, рече дека Украина не запира со преземање соодветни мерки во правец на Крим.
