Во првата година откако Тод Боели стана сопственик на Челзи, направи загуба од 90,1 милиони фунти (105,4 милиони евра).
Неповолниот финансиски извештај се однесува на периодот од март 2022 година до јуни 2023 година.
Извештајот за тековната финансиска година покажува влошување на финансиската состојба на клубот.
Причината се милијарда евра потрошени за купување на нови играчи, што го стави Челзи под лупата на Премиер лигата поради сомнежот дека клубот не работи според правилата за финансиска одржливост.
Финансискиот извештај му стави до знаење на Боели дека неговата иновативна трансфер политика го загрозува опстанокот на клубот и дека единствен начин да го спаси е Челзи да почне да игра според правилата.
Со оглед на тоа што „сините“ се далеку од зоните во Лигата на шампионите и Лига Европа, дупката во касата можат да ја пополнат само со продажба на играчи.
Англиските медиуми објавија дека на „Стемфорд Бриџ“ направиле трансфер листа со имињата на 15 играчи кои ќе се обидат да ги продадат во летниот преоден рок.
На списокот се голманот Кепа Аризабалага, дефанзивците Маланга Сар, Тиаго Силва, Тревор Чалоба, Марк Кукурела, Јан Матсен, играчите од средниот ред Карни Чукувумека и Конор Галагер, крилата Нони Мандуеле, Рахим Стерлинг и Хаким Зиех и напаѓачите Давид, Ромелу Брохоку.
Се проценува дека во најповолни околности Челзи би можел да заработи околу 250 милиони фунти, но и значително да го растерети буџетот за плати, кој моментално изнесува 175 милиони фунти.
Продажбата е единствениот начин на кој менаџерот Маурисио Покетино може да добие пари за да ги купи играчите што навистина ги сака во текот на летото.
