Вечерва ќе ги добиеме првите четвртфиналисти во Лигата на шампионите. Од 21:00 часот се среќаваат Бенфика – Клуб Бриж и Челзи – Борусија Дортмунд.
Португалците бранат два гола предност од Белгија, додека Челси има минимална негатива по првиот натпревар во Германија.
Логично, вечерното дерби се игра на „Стемфорд Бриџ“.
И покрај поразот во првиот меч, во Челзи се оптимисти пред реваншо, со оглед на тоа што во Дортмунд „сините“ упатија 21 удар кон голот на Борусија.
Навивачите се убедени дека Грегор Кобел повеќе нема да има толкава среќа и дека барем еднаш ќе ја извади топката од мрежата.
Сепак, Челзи го очекува тешка задача. Тие не се во форма, тоа го покажуваа резултатите во Премиер лигата, додека Борусија игра брилијантно од почетоот на 2023 година.
„Милионерите“ се во перфектна серија од десет победи на десет натпревари во сите натпреварувања, минатата недела ги победија и Баер Леверкузен (2:0) и Лајпциг (2:1).
Очекувани состави:
Челзи: Кепа – Чалоба, Кулибали, Фофана – Џејмс, Ковачиќ, Фернандес, Чилвел – Мудрик, Феликс, Хаверц
Борусија: Кобел – Волф, Зиле, Шлотербек, Гереиро – Џан, Озџан – Брант, Белингем, Ројс – Але.
Многу помала тензија се очекува на вториот меч бидејќи Бенфика пред своите навивачи во Лисабон брани од 2:0 против Клуб Бриж.
Покрај тоа, „орлите“ се во одлична форма, победија на осум од последните девет натпревари во сите натпреварувања, а единствениот пораз го забележаа на пенали во Купот од Брага.
Последен тим што и одолеа на Бенфика во 90 минути игра беше градскиот ривал Спортинг.
Бенфика последниот пораз го доживеа на 30 декември исто така во Брага.
Од друга страна, Бриж е во очајна форма во овој дел од сезоната. Белгискиот тим на последните 11 натпревари има само две победи. .
Во Лисабон пристигнуваат по дебакл на гостувањето кај Остенде (3:0).
Очекувани состави:
Бенфика: Влаходимос – Бах, Антонио Силва, Отаменди, Грималдо – Орнес, Флорентино – Жоао Марио, Нерез, Рафа Силва – Гонзало Рамос
Клуб Бриж: Мињоле – Мата, Мехеле, Сила, Мајер – Сова, Нилсен, Ванакен, Бјукенан – Јутгла, Ланг.
Во среда се закажани реванш натпреварите Баерн – ПСЖ (прв натпревар 1:0) и Тотенхем – Милан (0:1).
Следната недела ќе играат Манчестер Сити – Лајпциг (1:1), Реал Мадрид – Ливерпул (5:2), Порто – Интер (0:1) и Наполи – Ајнтрахт (2:0).
