Полицијата се уште чека да се јави сопственикот на чантата со 22.650 евра, која ја понудила продавница за половни производи во градот Лимбург.
Вработените во продавница која нуди половни производи ги пронашле парите додека ја проверувале торбата пред продажбата, пишува „Brussels Times“.
Нејасно е како никој порано не ги нашол парите, односно како се случило од 20 јуни кога чантата била донесена во продавницата да не биде прегледана.
Работникот Михиел Вацел рече дека девет од 10 торби испорачани во продавницата се празни.
„Меѓутоа, оваа чанта беше полна со банкноти, од 50 до 500 евра. Не можев да верувам кога ги видов. Мислев дека се лажни пари. Го известив менаџерот, а потоа дознавме дека се работи за 22.650 евра“, изјави Вацел.
Од локалната полиција посочуваат дека досега никој не се јавил за парите.
„Парите и чантата се под заштита според упатствата на обвинителството“, соопштија од полицијата, пренесува „РТС“.
