Во текот на минатата недела, царинските службеници спречиле обид за нелегална трговија на марихуана, лекови, а спречен бил и обид за криумчарење цигари, како и стока која повредува право од интелектуална сопственост.
На граничен премин „Блаце“ царинските службеници спречиле обид за нелегална трговија на марихуана.
„Запленети се 36,4 килограми опојна дрога марихуана, чијашто вредност на нелегалниот пазар на големо се проценува од близу 100 илјади евра, а на мало до три пати повеќе. Против лицето е поднесена кривична пријава заради основано сомнение дека сторил кривично дело неовластено пуштање во промет на наркотични дроги“, информираат од Царинска управа.
На граничниот премин „Јажинце царинските службеници спречиле обид за криумчарење на вкупно 7.847 ленти разни лекови. Притоа запленети биле и лекови ксалол од еден милиграм, бромазепам од 6 милиграми, флормидал од 15 милиграми и бенсадин од 10 милиграми со вкупна вредност од 8,7 милиони денари.
