Министерот за надворешни работи Бујар Османи, денеска ќе престојува во работна посета на Хеленската Република.
Централна средба на посетата ќе биде со министерот за надворешни работи на Никос Дендиас, при што во фокус на разговорите ќе бидат билатералните односи и соработката меѓу двете земји, европското досие на Северна Македонија, сојузништвото во НАТО и геополитичките предизвици во регионот, како и приоритетите на претстојното претседавање на Северна Македонија со ОБСЕ во 2023 година.
По средбата, министрите, Османи и Дендиас се очекува да имаат и изјави за медиумите.
Во рамки на посетата на Грција, Османи ќе оствари одвоена средба и со министерот за енергетика и животна средина, Костас Скрекас, на која ќе се разменат инфорамции за соработката меѓу двете земји во обаста на енергетиката, а во контекст на актуелните предизвици поврзани со диверзификацијата на изворите за енергетско снабдување, информираат од МНР.
