Британски борбен авион Ф-35 принудно слета денеска на аеродромот во Кагошима, во југозападна Јапонија поради технички дефект, соопштија аеродромските власти.
Поради слетувањето во 11:30 часот пистата беше затворена околу 20 минути. Тоа предизвика мали доцнења на комерцијалните летови, објави јапонска новинска агенција, додавајќи дека никој не е повреден.
Британските вооружени сили учествуваат во заедничка воена вежба со јапонските поморски сили за самоодбрана и американските сили, која почна од 4 август и ќе трае до следниот вторник.
