Британската влада денеска ја назначи Ен Кист-Батлер за прва жена директор за разузнавање во владиниот штаб за комуникации на Владата, GCHQ.
„Ен Кист-Батлер има импресивно досие во срцето на националната безбедносна мрежа на ОК помагајќи во борбата против заканите од терористите, сајбер-криминалците и злонамерните странски сили“, рече британскиот министер за надворешни работи, Џејмс Клеверли, кој ја назначи Батлер, објави „Ројтерс“.
Клеверли рече дека таа е идеалниот кандидат за шеф на GCHQ и дека „Ен ќе го искористи своето огромно искуство за да помогне британската јавност да биде безбедна“.
