По заминувањето на Грем Потер во Челси, раководството на Брајтон се уште е во потрага по негов наследник. Според медиумите, нов шеф на стручниот штаб на Брајтон би можел да стане Роберто Де Зерби.
Поранешниот тренер на Сасуоло и на Шахтјор се уште е без работа откако го раскина договорот со клубот од Доњецк поради војната во Украина.
43-годишниот стратег неодамна доби понуда од Болоња да го наследи српскиот стратег Синиша Михајловиќ на клупата. Но, Де Зерби одбил поради, како што се наведува, голема почит кон Србинот, имајќи предвид дека Синиша со години се бори со леукемија.
Италијанскиот стратег наводно сака и работа која носи поголем предизвик, а тоа секако е работа во Премиерлигата.
Брајтон треба да започне преговори со Де Зерби за потенцијален ангажман на почетокот на следната недела.
