Борусија Дортмунд во 29. коло го совлада Ајнтрахт Франкфурт со 4:0 и jа презеде челната позиција во Бундес лигата. По поразот на Баерн во Мајнц, Борусија има бод повеќе од Баварците во борбата за шампионската титула. „Милионерите“ сега се во добра позиција да ја прекинат 10.годишната доминација на Баерн во Бундеслигата.
Пред повеќе од 80.000 навивачи, жолто-црните одиграа одлично прво полувреме против Ајнтрахт и за 45 минути ги решија сите дилеми околу победникот.
Во 19. минута Џуд Белингем го постигна првиот го, само пет минути подоцна Мален го удвои водството. Холанѓанецот налета на додавањето на Адејеми и рутински ја смести топката во мрежата. Брилијантното прво полувреме на „милионерите“ со гол го заокружи ветеранот Хумелс.
Точка на победата со својот втор гол стави Мален во 67.минута. Холанѓанецот потврди дека е во голема форма, на последните пет натпревари има постигнато шест гола.
Дортмунд на врвот има 60 бода, еден повеќе од актуелниот првак Баерн.
