Холандскиот репрезентативец Дејли Блинд се прости од соиграчите во Ајакс, но и го сподели своето разочарување поради разделбата со гигантот од Амстердам. Тој беше ослободен, откако одигра повеќе од 300 натпревари за тимот и освои седум титули.
„Не ја замислував вака мојата разделба од Ајакс, но некои околности доведоа до овој крај“, напиша 32-годишниот фудбалер на Твитер.
Дефанзивецот не сакаше да ги открие „околностите“ за неговото ненадејно заминување, но холандските медиуми шпекулираат дека ја загубил довербата кај тренерот Алфред Шредер.
Договорот на Блинд имаше клаузула за автоматско продолжување доколку играчот од средниот ред настапи на 24 натпревари. Тој забележа 19 настапи од почетокот на сезоната, но го загуби стартното место во октомври.
Интерес за Блинд има од Антверпен, Реал Сосиедад и клубови од МЛС – лигата.
