Францускиот фудбалер за врска, Блес Матуиди, објави дека става крај на својата фудбалска кариера. Тоа го направи преку објава на социјалните мрежи.
„Многу го сакав фудбалот. Ми даде толку многу, но време е да се откажам. Ги исполнив и моите детски соништа и оние како маж. Со стегнато грло, но и со гордост денеска ја вртам оваа страница“, напиша Матуиди на својата фотографија од Светското првенство што го освои со Франција во 2018 година.
35-годишниот играч од средниот ред последен пат играше за американскиот Интер Мајами, а во кариерата настапуваше и за Троа, Сент Етјен, Пари Сен Жермен и Јувентус.
За репрезентацијата на Франција има 84 настапи со девет гола. На клупско ниво, Матуиди одигра 699 натпревари, на кои забележа 50 гола и 44 асистенции. Освен со светска титула, тој може да се пофали со пет титули на Франција, три Купа на Франција, четири Лига купови на Франција, пет Суперкупа на Франција, три Купа на Италија, еден Куп на Италија и еден Суперкуп на Италија.
Football, je t’ai tant aimé. Football, tu m’as tant donné, mais le moment est venu de dire stop. J’ai accompli mes rêves d’enfant, mes rêves d’homme. C’est la gorge serrée mais avec fierté que je tourne aujourd’hui cette page.
MERCI ❤️
👉🏾 https://t.co/j9S9b7QaiD pic.twitter.com/rkDwnxX9Tj— Blaise Matuidi (@MATUIDIBlaise) December 23, 2022
